Transcription
1
Monseigneur, cest esté dernier, il vous pleust m’escripre
2
que si faisiez quelques levées en ce pays pour le service
3
de sa Maiesté, que vous m’employeriez et que me
4
feriez paroistre en cela la bonne voulonté que me
5
portés. Et ayant entendu pour le moins le bruict est
6
tel que levés quelques forces pour la garde de ce païs,
7
ie vous ay bien voulu resouvenir et prier de m’y
8
vouloir employer pour le désir que i’ay eu et ay de
9
faire service à sadite Maiesté et à vous, lequel i’espère
10
aussy fidelle qu’homme qui soit de ma
11
qualité et au contentement du païs, encor que i’aye
12
la fiebvre quarte car les grands vomissementz et
13
sueurs et le bon ventre que i’ay me font espérer
14
bientost guérison. Aussi, puis ne vous ay-ie veu que
15
les excèz me sont diminuez du tiers. Je ne voudrois
16
prester le serment soubz la charge de l’homme que
17
vous scavez pour ne vouloir avoir aucune chose à
18
demesler avecques luy. Au reste, selon le cours
19
du temps, ie feray en tout et partout selon vostre bon
20
advis et conseil, auquel toute ma vie ie désire
21
obéir d’aussy bonne voulonté que ie prie Dieu,
22
Monseigneur, vous donner en parfaicte santé longue et
23
heureuse vie et à moy demeurer tousiours en voz bonnes
24
[v] grâces, les saluations de mes très humbles et affectionnéez
25
recommandations. De Gonselin, ce 3me décembre 1572
26
Vostre très humble et affectioné serviteur
27
Sernaing